2012.9.29 愛的宣言

受好友之託，撰寫「愛的宣言」遊戲講稿，預備新郎在迎娶好姊妹時讀出。

上網瀏覽，大量樣本任君抄襲，且內容千篇一律，不管是誰家的張大明，娶誰家的李小花，均能照用。遊戲之言，何需真心認真？

若賴皮交行貨，則搬字過紙已綽綽有餘。然而生性執拗，偏好度身寫稿，搬出閒職多時的創作神經，百忙中擠出數小時創作，連番修改，終得出以下版本：

~~~ ~~~ ~~~

永遠美麗動人的ＸＸ：

今日我要迎娶妳過門，做「幸福師奶」啦！

親愛的老婆，在此，我請在場的兄弟姊妹作證，

我向妳立下山盟海誓，此生此世，只愛妳一個，永不分離。

請聽我讀《ＸＸ愛的宣言》。

我愛 ＸＸ 情不變，一生憐香惜玉無怨言。

薯片、魚蛋、同米線，妳想食時 即刻同你點。

約妳行街睇戲同食飯，我一遲到馬上罰俾錢。

平日洗衫、拖地、或煮飯，妳唔做時，我都唔會怨。

每月人工梗係俾妳先，我啲零用、亦由妳打點。

巴黎、澳洲、美加、同日本，妳要飛時隨得妳心意。

我唔OT寧願見honey，每日最多工作十小時。

太極、行山都要問妳先，生仔生女都合我心意。

見到外父鞠躬蓮子面，孝敬外母點止兩小錢。

承諾唔嫖、唔賭、唔食煙，見到靚女即刻拎（咩）面。

做個頂天立地真漢子，保護嬌妻愛惜Melody。

妳若人老珠黃皺紋現，我亦頂住肚dum同妳講：

例如：唱還珠格格/二人飲歌

「海可枯　石可爛　天可崩　地可裂
我們肩並著肩　手牽著手」

總之，我Ｘ家幼子ＸＸ言，今起生命只得 ＸＸ 妳，

立下海誓山盟永念記，萬幸今生今世遇上妳，愛上妳。

永遠愛妳的老公，青靚白淨嘅 ＸＸ 敬上

~~~ ~~~ ~~~

文意雖非全順，然而韻尾、拍子都已力求無瑕，還把好友和情人的溫馨逸事寫入講稿。試講時，諧趣效果不俗，心中沾沾自喜，算得上為朋友的事，略盡綿力。

可惜，遊戲當日，兄弟趕忙接新娘，新郎狼吞虎嚥講宣言，邊講邊走拍子吃尾韻，胡言亂語一次就算了。當然，遊戲終歸遊戲，大家求好玩而已，又何需認真呢。最好的演繹還是留給自己吧。要是大家也想聽，我也樂意

示範。

祝天下有情人終成眷屬。＃